AZƏRTAC xarici KİV-lərə istinadla xəbər verir ki, Sudan hökuməti həmin təbii qaz ehtiyatlarının aşkarlanması üçün Rusiyanın “Ross Geology” şirkəti ilə müqavilə imzalayıb.
Sudanın neft və qaz naziri Azhari Abdul-Gadir Abdallah və Rusiyanın təbii sərvətlər və ətraf mühit naziri Dmitry Kobylkinin rəhbərlik etdiyi nümayəndə heyətləri paytaxt Xartumda görüşüb. İmzalanan müqaviləyə görə, “Ross Geology” Sudanla razılaşdıraraq Qırmızı dənizdə təbii qazın kəşfiyyatı aparacaq. Axtarış işlərinə nə zaman başlanacağı bildirilməyib.
Sudanlı nazir deyib ki, Qırmızı dəniz ölkənin mərkəzi hesab olunur. Port Sudan şəhərində neft-təbii qaz axtarmaq və karbohidrogenlərin kəşfi üçün lazımi addımlar atılır.
AzNews.az