AZƏRTAC xəbər verir ki, İstanbul və Kocaeli şəhərlərində bir neçə tunel və yeraltı keçidi su basıb. Çoxlu sayda maşın su altında qalıb. Kocaelində dəmir yolu stansiyasını su basması nəticəsində İstanbul ilə Ankara arasında qatarların hərəkəti dayandırılıb. İctimai nəqliyyatın normal işi pozulub. Fəsadları aradan qaldırmaq üçün əlavə tədbirlər görülür.
Gəbzə bölgəsi də sel və daşqınlara məruz qalıb. Meşədə köməksiz qalan 21 nəfəri xilas etmək üçün əraziyə helikopterlər cəlb olunub.
AzNews.az