Bölgələrdə yanğın

29 Mart 2013 08:38 (UTC+04:00)

Dünən axşam saatlarında Xaçmaz rayonunda yanğın baş verib. Apa-nın şimal bürosunun məlumatına görə, rayonun Hacılar kənd sakini, 1978-ci il təvəllüdlü Həmzə Əliyevə məxsus ümumi sahəsi 80 kvadrat metr olan tövlənin yanar konstruksiyaları və həyətyanı sahəyə yığılan 600 kq ot bağlaması yanıb.

Yanğının söndürülməsinə Xaçmaz Yanğından Mühafizə Hissəsinin 2 yanğınsöndürən maşını cəlb olunub. Yanğının yayılmasının qarşısı alınıb.

Faktla bağlı araşdırma aparılır.

Samux rayonunda isə yaşayış evində yanğın olub. FHN-in saytına istinadən verilən məlumata məlumata görə, rayonun Poylu kəndində vətəndaşa məxsus, ümumi sahəsi 96 kv.m olan birmərtəbəli 3 otaqlı evin 2 otağının yanar konstruksiyaları 48 kv.m sahədə yanıb.

Evin qalan hissəsi yanğından mühafizə olunub. Yanğın yanğınsöndürənlər tərəfindən söndürülüb.

AzNews.az