Prezidentə sirli məktub

31 Mart 2013 20:12 (UTC+04:00)

Bu günlərdə müəmmalı şəkildə vəfat edən rus oliqarx Boris Berezovskinin sevgilisi Yekatrina Sabirova maraqlı faktlar açıqlayıb. "The New Times"a müsahibəsində o, Brezovskinin Rusiya prezidenti Vladimir Putinə məktubundan danışıb.

Bildirib ki, Berezovski həqiqətən Putinə məktub yazıb və bunu ölkəyə qayıtmaq üçün yeganə vasitə hesab edib. Y.Sabirova məktunun əlyazmasını gözləri ilə gördüyünü və daha sonra Berezovskinin məktubu ona oxuduğunu vurğulayıb: "O üzr istəyirdi və qayıtmaq istədiyini bildirirdi".
Məktubun ötən ilin payızında Moskvaya göndərildiyini deyən Y.Sabirova oliqarxın cavab gözlədiyini də qeyd edib: "O çox siqaret çəkirdi, evdən çıxmırdı, heç kəslə görüşmək istəmirdi. Sonra nə edəcəyini bilmirdi. Buna baxmayaraq mən onun intihar edə biləcəyinə inanmıram".

Elnarə Əlosmanqızı
AzNews.az