Bu gün AFFA İntizam Komitəsinin iclası keçirilib.
İclasda Topaz Premyer Liqasının VIII turunun “Qarabağ”-“Səbail” matçında “Qarabağ” klubunun heyətində protokolda adı qeyd olunmayan futbolçu iştirak rtdiyi üçün Ağdam təmsilçisinə 0:3 hesablı texniki məğlubiyyət verilib və klub 8000 manat cərimə olunub.
Qeyd edək ki, Abbas Hüseynovun adı matçın iştirak ərizəsində olmadığı halda baş məşqçi Qurban Qurbanov “Qarabağ”-“Səbail” matçının onu ikinci hissədə kapitan Rəşad Sadıqovun əvəzinə meydana buraxıb.
Bu görüş "Qarabağ"ın 1:0 hesablı qələbəsi ilə yekunlaşıb. (publika.az)
© AzNews.az