Xəbər verildiyi kimi dünən ABŞ-ın Nyu-York şəhərində Victoria`s Secret brendinin çoxdan gözlənilən şousu baş tutub. Şouda dünya modelinin ən seksual simaları çıxıb.
AzNews.az Ukrayna mediasına istinadən xəbər verir ki, şouya sonuncu dəfə türk yazar Metin Haranın sevgilisi, "Victoria`s Secret"in mələyi, 37 yaşlı braziliyalı super model Adriana Lima da qatılıb.
"Mələk" kimi ilk dəfə 1999-cu ildə podiuma çıxan Lima bu tədbirdə göz yaşlarını saxlaya bilməyib.
O, İnstagramda Victoria`s Secret brendinə minnətdarlıq yazmağı da unutmayıb:
"Hörmətli, Victoria. Çox sağ olun ki, məni bütün dünyaya göstərdiniz, mənimlə öz sirrlərinizi bölüşdünüz. Bu, mənə təkcə qanad vermədi, həm də uçmağı öyrətdi".
Qeyd edək ki, braziliyalı model 2009-2016-cı illərdə serb basketbolçusu Marko Yariçlə evli olub. Cütlüyün bu evlilikdən Valentina və Sienna adlı 2 qız övladı var.
Hazırda Lima Forbes-ə görə ən çox qazanan türk yazarları arasında yer alan Metin Hara ilə 2017-ci ilin iyul ayından sevgilidir.
Babək Göyüş
AzNews.az