Bakı Uşaq Teatrı yeni məkanda

8 Aprel 2013 13:37 (UTC+04:00)

Bakı Uşaq Teatrı iki gündür ki, yeni məkanında fəaliyyət göstərir. Bunu AzNews.az-a teatrın direktoru İntiqam Soltan bildirib.

Teatrın direktorunun fikrincə, yenicə məskən saldıqları Qurban Abbasov adına Mədəniyyət Mərkəzi Hüseynqulu Sarabski adına Mədəniyyət Mərkəzindən qat-qat rahatdır:

"Düzü, bilmirik, burada müvəqqətiyik, ya daimi. Amma etiraf edim ki, bura "Sarabski adına Mədəniyyət Evi"indən qat-qat rahatdır. 300 nəfərlik zal, təmirli məkan, işıqlarına da söz ola bilməz. Aprelin 12-də "Dostlar, biz buradayıq" adlı şou təqdim edəcəyik".

Bahar Rüstəmli
AzNews.az