ABŞ-ın Suriyada əməkdaşlıq etdiyi PYD PKK-nın bu ölkədə bir qoludur.
AzNews.az Türkiyə mediasına istinadən xəbər verir ki, bu fikirləri ABŞ-ın Suriya üzrə xüsusi nümayəndəsi Ceyms Cefri səsləndirib.
Cefri "Defense One" media qurumunun illik müdafiə sammitində çıxışı zamanı vurğulayıb ki, ABŞ PYD-ni terror təşkilatı kimi tanımır.
O, həmçinin Türkiyənin Suriyadakı rolundan da danışıb:
"Türkiyənin fəal iştirakı, əməkdaşlığı və koordinasiyası olmasaydı, Suriyada bu gün etdiklərimizin heç birisini edə bilməzdik. Hələ də tam dağılmayan İŞİD-lə mübarizəni davam etdiririk. Bu mövzuda 2014-cü ildən bu yana bizim tərəfdaşımız PYD-dir. Təbii ki, bu məsələ Türkləri bərk narahat edir".
Babək Göyüş
AzNews.az