Almaniyanın Türingiya federal torpağının Qota şəhərində 53 yaşlı azərbaycanlı miqrant qadını ağır yaralayıb.
Cinayətkar iki həmyerlisini – 43 yaşlı kişini və 35 yaşlı qadını restorana şam yeməyinə dəvət edib. Masa arxasında onlar arasında münaqişə baş verib və mübahisə qonaqlar restoranı tərk etdikdən sonra da davam edib.
Bundan sonra cinayətkar qonaqlarını tək qoyub və bir müddət sonra əlində bıçaqla hadisə yerinə qayıdıb. O, Koburq meydanında qadını bıçaqlayıb və rəfiqəsini müdafiə etməyə çalışan kişini əlindən yaralayıb.
Azərbaycanlı qadın ağır vəziyyətdə xəstəxanaya çatdırılıb, indi onun həyatı təhlükə altında deyil.
Türingiya polisi cinayətkarı saxlayıb. Nə onun özünün, nə də qurbanlarının adları açıqlanmır. Hazırda fakt üzrə araşdırma aparılır.(virtualaz.org)
AzNews.az