ABŞ 22 islam ölkəsindən 24 yeni ölkə yaratmaq istəyir - türkiyəli ekspert
17 Dekabr 2018 14:41 (UTC+04:00)
Təhlükəsizlik və terror mütəxəssisi Abdullah Ağar Fırat ətrafında baş verən hadisələrə münasibət bildirib.
AzNews.az Türkiyə mediasına istinadən xəbər verir ki, Abdullah Ağar prezident Rəcəb Tayyib Ərdoğanın cümə günü Fıratın şərqi ilə bağlı ABŞ-a son xəbərdarlıq etdiyini xatırlayıb:
“İndi deyirik ki, təmizlədiniz, təmizlədiniz. Çıxarmadığınız təqdirdə Münbiçə girəcəyik”.
Abdullah Ağarın “Sabah” qəzetinə verdiyi müsahibəsini təqdim edirik:
- Prezident Ərdoğan əməliyyatın ilk siqnallarını verdi və ABŞ-a xəbərdarlıq etdi. Bu, niyə bu qədər önəmlidir?
- Əvvəlcə əsasları ortalığa çıxarmalıyıq. Bunlardan birincisi YPG/PKK-nın həm Türkiyə, həm də coğrafiya üçün yaratdığı təhlükədir. Bu təşkilat Türkiyəni, İraqı, Suriyanı və İranı parçalamaq istəyir. Bunu da heç vaxt gizlətmir. Bundan daha böyük bir təhlükə də var. YPG/PKK terror təşkilatı ABŞ, İsrail, Avropa vqitəsi və körfəz ölkələri tərəfindən himayə edilir, qorunur. Bir təşkilat olaraq qalmır və cazibə mərkəzi halına gətirilir.
- YPG/PKK-nın gücü nə qədərdir?
- Təxminən 80 min silahlı qüvvəsi olduğu deyilir. Bu vacib terror ünsürüdür və qeyri-sabitlik ünsürü halına gələ bilər. Türkiyə bu əməliiyyatı keçirməlidir. Nöqtə!
- “Fırat Kalkan” və “Zeytin Budağı” əməliyyatlarından sonra bu son mərhələ olacaq?
- Çox güclü mübarizə var. Biz sadəcə YPG/PKK ilə mübarizə aparmırıq. Əslində onları himayə edib, qoruyan qüvvələrlə mübarizə aparırıq.
- ABŞ-ın Suriya üzrə özəl nümayəndəsi Ceyms Cefri ötən günlərdə YPG/PKK-nın təmsilçiləri ilə görüşüb.
- Türkiyənin YPG həssaslığını çox yaxşı bilən adamdır. Hətta burdakı görüşlərdə bunu açıq şəkildə ortalığa qoydu və Vaşinqtonda dilə gətirəcəyini dedi. Bəs niyə bu qədər həssaslığı gözardı edərək YPG nümayəndələri ilə görüşür? Türkiyənin həssaslığını bilə-bilə bunu edirsə, mən burda pis niyyət axtararam.
- Bəs ABŞ nə etmək istəyir?
- ABŞ hal-hazırda bəhanə edərək Türkiyə, İraq, Suriyanı dizayn etmək istəyir. “22 islam ölkəsindən 24 yeni ölkə çıxardacağıq” kimi açıqlamalarını unutmamalıyıq. Türkiyə son, Suriya isə ara hədəfdir.
- Son əməliyyatları nəzərdə tutaraq “İlk dəfə bu qədər dərinlərə enirik” dediniz.
- Bizim heç kimin torpağında gözümüz yoxdur. Əksinə Suriya və İraqın ərazi bütövlüyünü dəstəkləyirik. Ancaq kimlərsə buna qərar veribsə, bizim tarixdən gələn razılaşma, hökm və haqlarımız dövrəyə girəcək.
- Türkiyənin son hədəfi nə olmalıdır sizcə?
- Türkiyənin son hədəfi bu dəstəyi aradan qaldırmaqdır və YPG/PKK-nı zərərsizləşdirmək üçün bütün imkanlarından istifadə etməlidir. Bizim hədəfimiz sərhəd təhlükəsizliyimizi qorumaqdır.
- ABŞ hakimiyyəti Fıratın şərqi ilə bağlı mövzuda Türkiyə ilə razılığa gələ biləcək?
- ABŞ indiyə qədər razılaşma yoluna getməyib. Həmişə baş qarışdırmaqla məşğul olub. Amma Türkiyənin sərgilədiyi bu mövqedən sonra nəsə dəyişərmi? Bəli, ola bilər. Ancaq ortalığa qoyulan bu iradənin meydanda təsirini görməliyik. Türkiyə bu cümləni qurdu. Bir addım atmazsa, mənası qalmaz. Biz qərarlı olduğumuzu və vaz keçməyəcəyimizi göstərsək, ABŞ rəhbərliyi praqmatikdir, ona görə də geri addım atmaqda problem görməz.
- Fıratın şərqində keçiriləcək hər hansı əməliyyat köçü sürətləndirə bilərmi?
- Suriya torpaqlarında təhlükəsiz yerlər artdığı müddətcə Türkiyədən Suriyaya köç sürətlənəcək. Qalanlar əlbəttə olacaq, amma heç şübhəsiz hər kəsin doğulduğu vətən dəyərlidir.
- Son əməliyyatda Azad Suriya Ordusunun rolu nə olacaq?
- ASO ərəblər, türkmənlər və kürdlərdən ibarətdir. Bunların torpaqlarını YPG/PKK işğal edir. Bu torpaqlar əsl sahiblərinə təslim edilməlidir. Torpaqları işğal edən bu insanlar yəni ASO, Türkiyə ilə bu əməliyyatda iştirak edəcək.
- YPG/PKK torpaqları işğal edərək bölgənin demoqrafik quruluşu ilə oynayır?
- Suriyada 5% kürd var. PKK demirəm, kürd deyirəm. PKK onları dəstəkləməyən kürdləri belə öz ərazilərindən sürgün etdi. PKK ərazinin 30%-ə hakimdir. Bəs bu necə olur? Bu torpaqlar əsl sahiblərinə verilməlidir. Baxın, Türkiyədə 3.5 milyon qaçqın qardaşımız var. Bunlar haqları tapdalanmış insanlardır. Xaos vasitəsilə ölkəni dizayn etməyə çalışırlar.
- Suriya daimi sülhdən yavaş-yavaş uzaqlaşır?
- ABŞ bölgədən əlini çəksə, Suriya sülhə gələcək. Ancaq ABŞ hakimiyyəti bundan əl çəkmir. İndi idarə etmək istədiyi geopolitik bir ada var. PKK vasitəsilə buranı idarə etmək istəyir. Bunu edərkən də bölgəni istiqrarsızlaşdırmaq istəyir”.
Pərvanə Ağazadə
AzNews.az