Sabunçu rayonu, Ramana qəsəbəsində avtobus ölümlə nəticələnən qəza törədib.
AzNews.az-ın məlumatına görə, Maştağa qəsəbəsində Əhəd Məmmədovun idarə etdiyi “İsuzu” markalı avtobus yolu keçmək istəyən Valentina Mişinkanı vurub.
Yaralı qadın 3 saylı xəstəxanaya çatdırılsa da onun həyatını xilas etmək mümkün olmayıb.
Faktla bağlı Sabunçu rayon Polis İdarəsinin İstintaq Şöbəsində cinayət məcəlləsinin 263.2-ci maddəsi ilə cinayət işi başlanıb və hadisəni törədən sürücü şübhəli şəxs qismində istintaqa cəlb olunub.
Azər
AzNews.az