FETO əməliyyatında "sarı jilet" ələ keçirilib.
AzNews.az Türkiyə mediasına istinadən xəbər verir ki, Bursada FETO-nun evlərində keçirilən əməliyyatlarda 22 şübhəli saxlanılıb.
Bir evdə 19 sarı, 9 qırmızı jilet və saxta şəxsiyyət vəsiqələri ələ keçirilib.
AzNews.az qeyd edir ki, hazırda küçə inqilablarının yeni rəngi və adı: “Sarı jiletlər”dir. İndiyə qədər baş verən “qızılgül”, “narıncı” və “ərəb baharı” adlanan inqilabları artıq “Sarı jiletlər” hərəkatının əvəzlədiyi bildirilir. Bunun da tarixçəsi belə olub. Noyabrın 17-də Fransada aksiyaları üzərində partlayıcı maddə olan, sarı jilet geyinən şəxs başladıb. Digər ölkələrdə də Fransadakı aksiya iştirakçılarına dəstək verənlər sarı jiletlərdə mitinqlər keçirirlər.
Görünür, FETO-çular da küçələrə çıxıb etiraz etməyə hazırlaşırmışlar. Ancaq polislərin sayıqlığı onların bu arzusunu gözlərində qoyub.
Pərvanə Ağazadə
AzNews.az