Sudanda etiraz aksiyası dağıdıldı - Ölənlər var

10 Yanvar 2019 11:50 (UTC+04:00)

Polisin müdaxiləsi ilə qarşısı alınan aksiyada 3 nəfər ölüb.

Anadolu Agentliyi xəbər verir ki, Sudan Daxili İşlər Nazirliyinin səlahiyyətli nümayəndəsi general Əli Əbdülrəhim bu barədə məlumat verib. O bildirib ki, Omdurman şəhərində baş verən aksiya dayandırılıb. Hazırda polis ərazidə nəzarəti gücləndirib.

General Əli Əbdülrəhim qeyd edib ki, iğtişaş nəticəsində xeyli sayda insan yaralanıb.

Qeyd edək ki, Sudanda aksiyalar hökumətin çörəyin qiymətinin artırılması ilə bağlı qərarından sonra başlayıb.

Etiraz aksiyaları ölkənin Omdurman, Atberta, Port-Sudan şəhərlərində baş verib.(AZƏRTAC)

© AzNews.az