Azərbaycanda qadın hamilə olduğunu öyrəndi - bir gün sonra ana oldu

12 Yanvar 2019 10:08 (UTC+04:00)

Azərbaycanda tibb sahəsində maraqlı hadisə baş verib.

Gəncə şəhər sakini, 1977-ci il təvəllüdlü Rəsulova Afət Ziyad qızı 23 il sonra ilk dəfə ana olub.

Belə ki, mədə ağrısı şikayəti ilə həkimə müraciət edən qadın doqquz aylıq hamilə olduğunu öyrənib.

Bir gün sonra Gəncə Regional Perinatal Mərkəzdə həyata keçirilən qeysəriyyə əməliyyatı ilə qadının qız övladı dünyaya gəlib. Körpə 2 kq 900 qram çəkidə doğulub.

Hazırda xəstəxanada olan ana ilə körpənin səhhəti yaxşıdır. (Qafqazinfo)