Hədə-qorxu ilə tələb etməkdə şübhəli bilinən şəxs saxlanılıb.
DİN Mətbuat xidmətindən AzNews.az-a verilən məlumata görə, yanvarın 14-də Bakı Şəhər Baş Polis İdarəsinin (ŞBPİ) Metropolitendə Polis Şöbəsinə müraciət edən Bakı şəhər sakini həmin gün saat 16:00 radələrində metronun “Elmlər Akademiyası” stansiyasında bir nəfərin onun barəsində rüsvayedici məlumatlar yayacağı ilə hədələyərək pul tələb etdiyini bildirib.
Müraciətlə əlaqədar dərhal əməliyyat-axtarış tədbirlərinə başlanılıb və hədə-qorxu ilə tələb etməkdə şübhəli bilinən Şəmkir rayon sakini A.İmanov qısa müddətdə müəyyən edilərək polis əməkdaşları tərəfindən saxlanılıb.
Faktla bağlı araşdırma aparılır.
AzNews.az