Venesuela prezidenti Nikolas Maduro Rusiya prezidenti Vladimir Putinə zəng edib.
AzNews.az xarici mediaya istinadən xəbər verir ki, Putin ona “Prezident Maduro, Rusiyanın dəyişməz dəstəyinə sahibsiniz” deyib.
“Putin məndən hadisələri necə şərh edəcəyimi soruşdu. Mən də ona “ABŞ-dakı imperializmin nümayəndəsinin idarəçiliyi altında Venesuelada çox böyük təxribat aparılır” dedim. Deyəsən artıq dünyada ABŞ prezidenti Donald Trampın Venesuelada de-fakto və konstitusiyaya zidd bir höküməti iş başına gətirməyə çalışdığını, Venesuela xalqına qarşı çevirilişə cəhd etdiyini bilməyən yoxdur. Tramp dünyanın polisi olmaq və Latın Amerikasını idarə etmək düşüncəsi ilə yaşayır”. Maduro belə deyib.
Pərvanə Ağazadə
AzNews.az