Yanvarın 29-da “Gənclik Mall” TM-də yerləşən “CinemaPlus” premium kinoteatrında popkorn festivalı keçirilib.
AzNews.az-ın məlumatına görə festivalın qonaqları bütün gün ərzində müxtəlif popkorn növlərini dequstasiya ediblər: küncütlü, karamelləşdirilmiş, meyvəli-şokoladlı, duzlu və şirin.
Həmçinin onlar üçün maraqlı sürpriz hazırlanıb: DJ, animator, hündür boylu kuklalar, uzunayaqlı, sehrbaz, fotoqraf və videoqrafın iştirakı ilə şou-proqram təşkil olunub.
Qonaqlar və tamaşaçılar böyük məmnuniyyətlə popkorn festivalına qatılıb, müsabiqələrdə iştirak edib, xatirə şəkilləri və selfi çəkdiriblər.
Tədbirin təşkilində dəstəyi KR Production göstərib.
AzNews.az