Görkəmli serb yazıçısı İvo Andriçin (1892–1975) “Drina körpüsü” kitabı işıq üzü görüb.
AzNews.az-ın məlumatına görə, kitab Azərbaycan Dövlət Tərcümə Mərkəzi tərəfindən nəşr olunub.
Roman – Osmanlı İmperiyasının böyük vəziri, əslən bosniyalı Sokollu Mehmet paşanın orta əsrlərdə Bosniyanın ucqar vilayətlərindən birində – Vişeqradda, dağ çayı Drina üzərində saldırdığı nadir və möhtəşəm körpünün dörd əsrdən artıq zaman kəsiyində başına gələnlərdən, ətrafında baş verən hadisələrdən, həyatları birbaşa bu körpü ilə bağlı olan insanların taleyindən, o dövrlər bu mahalda yaşayan müsəlmanların, serblərin və yəhudilərin məişətindən, ağrı-acılarından bəhs edir.
Roman 1961-ci ildə yazıçıya Nobel mükafatı qazandırıb.
Kitabı serb dilindən professor Cəlil Nağıyev tərcümə edib.
AzNews.az