Paşinyan hökuməti dərin böhran içərisindədir - Erməni ekspertlər

13 Fevral 2019 17:51 (UTC+04:00)

Nikol Paşinyan “Ermənistanı çirkabdan təmizləmək üçün ciddi islahatlar həyata keçirmək lazımdır” fikrini səsləndirsə də sələflərinin etdiyi səhvləri təkrarlayır.

Bunu erməni siyasi ekspertlər 1in saytına açıqlamalarında bildiriblər.

Onların fikrincə, erməni xalqı postinqilabçı Ermənistanın həyata keçirəcəyi yenilikləri gözləmələrinə baxmayaraq köhnə proseslərlə qarşılaşdılar.

Karen Karapetyan kimi Nikol Paşinyan hökuməti də dərin böhran içərisindədir. Yəni, erməni cəmiyyətinin gözlədiyi yeni dalğa və yeni fikirlər əslində mövcud deyil.

Ekspertlər bildiriblər ki, yeni hökumət bir il əvvəl erməni ictimaiyyətinə vəd verdiyi islahatları reallaşdırmayacağı təqdirdə Paşinyan komandasının həyata keçirdiyi “inqilab” məğlub hesab ediləcək.(AZƏRTAC)

AzNews.az