İndoneziyanın mərkəzi hissəsində qızıl mədəninin çökməsi nəticəsində həlak olanların sayı 27-yə çatıb.
Bu barədə Antara agentliyi məlumat yayıb.
“Biz ağır texnikadan istifadə edərək sağ qalanların təxliyyəsini davam etdiririk”, - deyə İndoneziya Xilasetmə Xidmətinin nümayəndəsi bildirib.
Ötən gün 13 nəfərin həlak olduğu barədə məlumat verilmişdi. Yerli hakimiyyət orqanlarının yaydığı məlumata görə, mədəndə hələ də 100-ə yaxın şaxtaçı qalıb.
Şimali Sulavesi əyalətindəki mədən fevralın 26-da çöküb. İndiyədək xilas edilən 19 şaxtaçı xəstəxanaya yerləşdirilib.(AZƏRTAC)
AzNews.az