Rus “qanuni oğru” Türkiyəyə deportasiya edildi

25 Aprel 2013 07:14 (UTC+04:00)

Ukraynada 43 yaşlı rusiyalı "qanuni oğru" Konstantin Borisov həbs edilib. Kriminal aləmdə "Kostıl" ləqəbi ilə tanınan "qanuni oğru" 1999-cu ildə Moskvada Giya Zviadze, Dato Çaparidze, Xobot, Mais Karapetyan, Tenqiz Qarskiya və başqalarının iştirakı ilə keçirilən "sxodka"da taclandırılmışdı.

Çox keçmədən quldurluğa görə 15 il azadlıqdan məhrum edilən Kostıl 2 il əvvəl azadlığa çıxıb. Azadlığa çıxdıqdan sonra ərtafına slavyan "qanuni oğru"ları toplamağı bacaran Kostıl bu ilin yanvarında 3 belorus "qanuni oğru"- Timoxi, Paştet və Medvejonokla birgə "sxodka"da yaxalanıb.

Daha sonra sərbəst buraxılan Kostıl Ukraynaya gedən kimi nəzarətə götürülüb və Kiyevə çatdıdan bir neçə saat sonra həbs olunub. Elə həmin gün Ukraynın müvafiq qurumları Kostılın 5 il ərzində bu ölkəyə girişini qadağan edən qərar çıxarıb.

Kostılın öz arzusu ilə onu Türkiyəyə deportasiya ediblər.

Elnur
AzNews.az