"Şamaxı, İsmayıllı və Ağsuda zəlzələ nəticəsində dağılan və qəzalı vəziyyətə düşən evlərin hamısı bərpa ediləcək".
Bunu fövqəladə hallar naziri, general-polkovnik Kəmaləddin Heydərov deyib.
Nazir Azərbaycan Prezidenti İlham Əliyevin Şamaxı, İsmayıllı və Ağsu rayonlarında baş vermiş zəlzələnin nəticələrinin aradan qaldırılması ilə bağlı sərəncam imzaladığını, müvafiq vəsaitin ayrıldığını, gələcəkdə də müəyyən məbləğin ayrılacağını diqqətə çatdırıb.
"Zəlzələ nəticəsində uçan evlər nə dövlət tərəfindən, nə də kənd sovetləri tərəfindən tikilib. İnsanlar özləri üçün ev tikiblər. Amma indi təbii fəlakətdir, zəlzələ baş verib və zəlzələnin törətdiyi fəsadlar aradan qaldırılacaq", - K. Heydərov qeyd edib.(ona.az)
AzNews.az