DİN: “Ramil Usubov işinin başındadır“

25 Aprel 2013 16:22 (UTC+04:00)

Daxili işlər naziri, general-polkovnik Ramil Usubovun vəifəsindən uzaqlaşdılması xəbəri yayıldı. Bir neçə xəbər portalında və sosial şəbəkələrdə bu barədə xəbərlər dolaşır. Nazirin vəzifədən uzaqlaşdırılmasını onu yaşı ilə əlaqləndirən xəbər saytları da var.

Xəbəri dəqiqləşdirmək üçün "Bizimyol.info" saytı Daxili İşlər Nazirliyin mətbuat xidməti ilə əlaqə saxlayıb. Xidmətin şöbə müdiri Orxan Mansurzadə bildirib ki, Ramil Usubov iş başındadır: "Nazirin işdən çıxarılması ilə bağlı məlumat dezinformasiyadır. Kimlərsə məqsədli şəkildə həqiqətə uyğun olmayan məlumat yaymaqla məşğuldur. Heç şübhəniz olmasın ki, Ramil Usubov hazırda işinin başındadır".

AzNews.az