Fransa prezidenti Emmanuel Makron Notr-Dam kilsəsindəki güclü yanğından sonra Roma papası Fransiski Parisə dəvət edib.
Bu barədə E.Makron özü açıqlama verib.
O, Roma papası ilə telefonla danışdığını bildirib:
“Mən onu səfərə dəvət etmişəm və o, uyğun zamanda səfər edəcək”.
Qeyd edək ki, aprelin 15-də Parisin Notr-Dam kilsəsində güclü yanğın olub. Nəticədə kilsə üzərindəki qüllənin bir hissəsi aşıb, məbədin saatı yanaraq məhv olub. Yanğının söndürülməsində yüzlərlə yanğınsöndürən iştirak edib. Binanın böyük hissəsi dağılıb.
AzNews.az