Matç zamanı ağzına arı girdi... - FOTO

25 Aprel 2019 10:54 (UTC+04:00)

Türkiyənin “Kayserispor” klubunun əsas və U-21 komandaları arasında baş tutan yoxlama oyununda gözlənilməz hadisə yaşanıb.

Əsas komandanın heyətində meydana çıxan klubun 19 yaşlı yetirməsi Batuhan İlhanın ağzına arı girib.

18-ci dəqiqədə baş verən bu hadisədən sonra gənc futbolçunun halı pisləşməyə başlayıb. Həkimlərin ilkin müdaxiləsinə baxmayaraq, o, oyunu davam etdirə bilməyib və dərhal xəstəxanaya götürülüb.

Kayseri təmsilçisinin mətbuat xidmətinin yaydığı məlumata görə, Batuhan xəstəxanada tibbi müdaxilələrin ardından evə buraxılıb.(qafqazinfo.az)

AzNews.az