Çin Aya insan göndərmək istəyir

26 Aprel 2019 09:43 (UTC+04:00)

Çin Ayın cənub qütbündə elmi-tədqiqat stansiyası inşa etməyi və təxminən 10 il sonra idarə olunan Ay missiyasını həyata keçirməyi planlaşdırır.

“ICTnews” xəbər verir ki, bu barədə Çin Dövlət Kosmik İdarəsinin rəhbəri Çjan Keszyan belə bəyanatla çıxış edib.

O bildirib ki, Çinin “Çanye-5” zondu cari ilin sonunadək Ayın torpaq nümunələrini Yer kürəsinə gətirməlidir və bu nümunələr Mao Tszedunun vətəni olan Şaoşanda saxlanılacaq.

Kesyzanın sözlərinə görə, Çin 2020-ci ildə ilk Mars zondunu buraxacaq.

AzNews.az