Aprelin 16-da Sulutəpədə üzünü it parçalayan 2015-ci il təvəllüdlü Hüseyn Məmişov artıq evə buraxılıb.
Bu barədə Səhiyyə Nazirliyindən məlumat verilib.
“Uşağın vəziyyəti yaxşıdır və artıq evə buraxılıb. Təyin olunan vaxtlarda o, xəstəxanaya gələcək və peyvənd vurulacaq”, - deyə nazirlikdən qeyd edilib.
Qeyd edək ki, azyaşlı qonşunun uşağı ilə oynayan zaman sahibsiz it qəfil uşağa hücum edib və onun üzünü parçalayıb. O, 1 saylı Kliniki Tibbi Mərkəzə aparılıb.
İt quduz olduğu üçün uşağın üzünü parçaladıqdan üç gün sonra ölüb.(oxu.az)
AzNews.az