“Facebook” üç milyarddan çox saxta hesab sildi

24 May 2019 09:13 (UTC+04:00)

"Facebook" şirkətinin əməkdaşları 2018-ci ilin oktyabr ayından 2019-cu ilin martınadək sosial şəbəkədə 3 milyarddan çox spam və dezinformasiya yayan saxta hesab silib.

2018-ilin oktyabr-dekabr dövrü ərzində 1,2 milyard hesab, 2019-cu ilin yanvar-mart dövrü ərzində isə 2,2 milyard hesab ləğv edilib.

Şirkət bildirib: "Biz son 6 ayda "Facebook"da "feyk" hesablarının yaradılması hallarının çoxalmasını gördük".

Qeyd olunur ki, bu hesabların çoxusu qeydiyyatdan bir neçə dəqiqə sonra aşkar olunub - yəni digər istifadəçilərin onları görməsindən öncə.(trend.az)

AzNews.az