Avtomobillərdən oğurluq edən şəxs yaxalandı

4 May 2013 09:31 (UTC+04:00)

Bakı şəhər Baş Polis İdarəsinin mətbuat xidmətindən AzNews.az-a daxil olan məlumata görə, Səbail RPİ 39-cu və Nərimanov RPİ 16-cı PB əməkdaşlarının birgə keçirdikləri əməliyyat tədbirləri nəticəsində oğurluqda şübhəli bilinən Ağdam rayon sakini Mübariz Bağırov mayın 3-də yaxalanıb.

Araşdırma zamanı müəyyən edilib ki, o, yanvarın 3-də Neftçilər prospektində Zaur Hüseynova məxsus "Wolksvagen" markalı avtomobildən şüşəni sındırma yolu ilə içərisində pul və digər əşyalar olan əl çantasını, mayın 11-də Nizami küçəsində Svetlana Yusibovaya məxsus "Subaru" markalı avtomobildən içərisində 350 manat çanta və İlqar Paşayevə məxsus "Range Rover" markalı avtomobildən eyni üsulla içərsində 200 manat, 2 ədəd mobil telefon, sənəd olan əl çantasını oğurlayıb.

Bundan başqa o, aprelin 5-də R.Behbudov küçəsində Leyla Əliyevaya məxsus "Kia" markalı avtomobildən içərisində ev açarları, eynək, kosmetik əşyalar olan çanta, Xəqani küçəsində Orxan Məmmədova məxsus "Mersedes" markalı avtomobildən içə içərisində qızıl-zinət əşyaları, planşet, dərmanlar və sənədlər olan əl çantasını götürüb.

AzNews.az