Müğənni Günay İbrahimli bu ilin yay mövsümü ilə bağlı ilk fotosessiyasını təqdim edib.
AzNews.az xəbər verir ki, o, üç obrazda kamera qarşısına keçib.
Günay İbrahimli bu layihədə 2019-cu ilin trendini öz üzərində cəmləşdirdiyini deyib: “Fotosessiyaya önəm verən müğənnilərdən biri mənəm. Hər mövsüm çalışıram ki, fərqli obrazlarla tamaşaçıların qarşısına çıxım. Düşünürəm ki, bu dəfə də qeyri-adi bir obrazda kamera qarşısına keçmişəm. Bu obraz dünyada trenddir. Belə ki, bu, rəngli makiyaj və bir-birinə zidd geyimlərin ahəngidir. Makiyajı Lamiyə Ağababayeva, saçlarımı isə Aygün Məmmədova edib”.
Qeyd edək ki, Bakıda lentə alınan fotoların müəllifi Toğrul Qurbanovdur.
Rəqsanə
AzNews.az