Kemerevo vilayətində yerləşən Kiselevsk şəhərinin sakinləri Kanadanın Baş naziri Castin Trüdoya və BMT-nin baş katibi Antonio Guterresə video müraciət edərək Kanadada sığınacaq almaq üçün xahiş ediblər.
Castin Trüdo
Antonio Guterres
AzNews.az xəbər verir ki, bu video yazı artıq YouTube-da yerləşdirilib.
Sakinlərin sözlərinə görə, regionun ekoloji vəziyyəti heç də ürəkaçan deyil.
Onlar şəhərdə açıq kömür mədənindən və onkologiya xəstəliyinin çoxalmasından şikayətləniblər.
Sakinlər vurğulayıblar ki, 100-ə yaxın ailə istənilən an Kanadaya və Rusiyanın yaşamaq üçün sərfəli olan digər bölgəsinə köçməyə hazırdır.
Buna cavab olaraq, regionun rəhbəri Sergey Sivilev şəhərlilərə dəstək verəcəyini vəd edib.
O, öz müavinlərinə videomüraciətin təşəbbüskarları ilə görüşməyi, onların iddialarını dinləməyi və problemlərin həlli ilə bağlı tədbirləri müəyyənləşdirməyi tapşırıb.
Babək Göyüş
AzNews.az