Bakıda avtobus qəzası: yaralılar var
4 May 2013 16:00 (UTC+04:00)
Sabunçu rayon Polis İdarəsindən ANS PRESS-ə verilən məlumata görə, avtobus qəzası nəticəsində 3 nəfər sərnişin yaralanıb. Yaralılar xəstəxanaya aparılıb.
Maştağa qəsəbəsinin girəcəyində 166 saylı avtobus yüksək sürətlə hərəkət edərək "Kamaz" markalı yük avtomobilinə dəyib və sonradan divara çırpılıb. Zərbənin çox güclü olduğu bildirilir.
Hadisə yerinə polis əməkdaşları, yanğınsöndürən-xilasedicilər və təcili yardım həkimləri cəlb olunub. Hadisə şahidlərinin verdikləri məlumata görə, qəza nəticəsində çoxlu sayda yaralı var.
Hazırda ərazidə hüquq-mühafizə orqanları çalışır.
AzNews.az