İlhamə Quliyeva bölgələrdə konsert verir

6 May 2013 10:15 (UTC+04:00)
Xalq artisti İlhamə Quliyeva bölgələrə səfər edib. Bu barədə məlumatı AzNews.az-a sənətkarın mətbuat katibi Faiq Ələkbərli verib.

Onun sözlərinə görə, səfərdə məqsəd Heydər Əliyevin 90 illik yubileyi ilə əlaqədar silsilə konsertlər verməkdir:

"Konsert ilk olaraq Beyləqan rayonunda baş tutub. Sənətkar həmin rayonda onun sənətinin vurğunlarına ən sevilən mahnılarını ifa edib. Sonra isə Astara rayonunda möhtəşəm konsert baş tutub. İlhamə xanım Quliyeva hazırda Masallı rayonundadır və növbəti konsertinə hazırlaşır".

Bahar Rüstəmli
AzNews.az