Gürcüstana anasını ziyarətə gedən azərbaycanlı güllələndi

27 İyun 2019 14:20 (UTC+04:00)

Gürcüstanın Telavi rayonunun azərbaycanlıların yaşadığı Qaracalar kəndində qətl hadisəsi baş verib.

40 yaşlarında olan kişi odlu silahla qətlə yetirilib.

Qaracalar kənd sakinləri bildiriblər ki, qətlə yetirilən şəxs Gürcüstanda yaşamayıb və o, bir neçə gün bundan öncə anasına baş çəkmək üçün kəndə gəlib.

Qətlin keçmişdə baş vermiş münaqişə zəminində törədildiyi bildirilir.

Faktla bağlı operativ istintaq tədbirləri həyata keçirilir.(report.az)

AzNews.az