İlham Əliyev bu tanınmışlara medal verdi - SİYAHI

11 İyul 2019 15:43 (UTC+04:00)

Azərbaycan Respublikasının Prezidenti İlham Əliyevin imzaladığı Sərəncamla bir çox tanınmış media və QHT nümayəndələri, ictimai xadimlər, tarixçi alimlər "Azərbaycan Xalq Cümhuriyyətinin 100 illiyi (1918-2018)" yubiley medalı ilə təltif olunublar.

AzNews.az xəbər verir ki, onların arasında Azərbaycan Respublikasının Prezidenti yanında QHT-lərə Dövlət Dəstəyi Şurasının üzvü, siyasi elmlər üzrə fəlsəfə doktoru, politoloq, Beynəlxalq Münasibətlərin Araşdırılması Mərkəzinin sədri Rufiz Qonaqovun, REAL TV-nin Baş direktoru Mir Şahinin, "Şərq" qəzetinin Baş redaktoru Akif Aşırlının, “Konstitusiya” Araşdırmalar Fondunun prezidenti Əliməmməd Nuriyevin, Xalq şairi Sabir Rüstəmxanlının, görkəmli tarixçi alımlər - Boran Əzizin, Anar İsgəndərovun, Firdovsiyyə Əhmədovanın, Nəsiman Yaqublunun, tanınmış analitik Elçin Mirzəbəylininin, Beynəlxalq Avrasiya Mətbuat Fondunun (BAMF) sədri, Azərbaycan Mətbuat Şurası sədrinin müavini Umud Mirzəyevin, "525-ci qəzeti"n Baş redaktoru, AYB-nin katibi Rəşad Məcidin, Mətbuat Şurasının İdarə Heyətinin üzvü, əməkdar jurnalist Azər Həsrətin, "APA Holding" MMC-nin rəhbəri Vüsalə Mahirqızının, Azərbaycan Milli Qeyri-Hökumət Təşkilatları Forumunun (MQF) prezidenti Rauf Zeyninin, ATƏT PA-nın vitse-prezidenti, Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının sədri Azay Quliyevin, Məhəmməd Əmin Rəsulzadənin nəvəsi Rəis Rəsulzadənin, "Bakı-Xəbər" qəzetinin baş redaktoru Aydın Quliyevin, filologiya üzrə fəlsəfə doktoru, Ədalət Tahirzadənin, "Səs" qəzetinin baş redaktoru Bəhruz Quliyevin də adları var.

AzNews.az kollektivi adından onların hər birini təbrik edir və ictimai-siyasi fəaliyyətlərində daha böyük uğurlar arzulayırıq!