“Bu şəhərdə”nin ssenaristi Müşfiq Abbasovun evi əlindən alınıb.
O, AzNews.az-a açıqlamasında Ali Məhkəməyə müraciət edəcəyini deyib:
“Apellyasiya məhkəməsinin qərarına əsasən bildirilir ki, evim Həsənova Mehribana aiddir. Mənzil mənə 2013-cü ildə Həsənova Mehribanın bacısı qızı Həsənova Gülrux tərəfindən satılıb. Həsənova Mehriban isə iddia edir ki, ev Gülruxa yox, ona aiddir.
Yasamal Rayon Məhkəməsi mənim xeyrimə qətnamə çıxarıb. Apellyasiya məhkəməsi isə Yasamal Rayon Məhkəməsinin qərarını ləğv etdi. Ali məhkəməyə müraciət edəcəm. Dövlət Əmlak Komitəsi çıxarışı mənim adıma verib, bunu notarius da təsdiq edir”.
Müşfiq Abbasov onu da deyib ki, hazırda evdə yaşayır. Bu mənzildən başqa evi yoxdur. Masazırda bağ evi var.
Rəqsanə
AzNews.az