Gədəbəy rayonunda yaylaq festivalı təşkil olunacaq.
Yaylaq festivalı 26-28 iyul tarixlərində keçiriləcək. Artıq festivala son hazırlıq işləri gedir. Festivalın keçirilməsi üçün Miskinli yaylağının ərazisində yaradılacaq “Yaylaq Yurdu” adlı etnik qəsəbədə Yaylaq bazarı (kənd təsərrüfatı) və Sənətkarlıq guşəsi fəaliyyət göstərəcək.
Etnik qəsəbənin ərazisində 3 gün ərzində genişmiqyaslı el şənliyi (etnoqrafik-mədəni-idman tədbiri) təşkil ediləcək. Festivala çoxlu sayda yerli qonaqların və xarici turistlərin gəlməsi gözlənilir.