Su kanalına düşüb öldü - Sentyabrda toyu olacaqdı

26 İyul 2019 17:10 (UTC+04:00)

Vanın Gürpınar bölgəsində toy hazırlıqları görən 23 yaşlı Rıdvan Tunç tarlasını sulayarkən düşdüyü su kanalında boğulub.

AzNews.az xəbər verir ki, hadisə Yolaşan məhəlləsində baş verib. Günorta saatlarında tarlasını sulayan Rıdvan Tunç tarazlığını itirərək su kanalına düşüb.

Axına düşərək itən Tunçun cəsədi bir müddət sonra ətrafdakılar tərəfindən tapılaraq çıxarılıb.

Tunçun yaxınları xəbəri alan kimi gəldikləri olay yerində psixoloi sarsıntı keçiriblər.

Rıdvan Tunçun keçən fevral ayında Adanada yaşayan Seren Akbulut ilə nişanlandığı, sentyabr ayında da toy edəcəkləri məlum olub.

Səidə Vahid

AzNews.az