“Jara” Beynəlxalq Musiqi Festivalı çərçivəsində Rusiyanın “MUZ TV” telekanalı Heydər Əliyev Mərkəzinin parkında diskoteka təşkil edib.
Mərkəzdən verilən məlumata görə, diskotekada Emin, Svetlana Loboda, İrina Dubtsova, HammAli & Navai, Mari Kraymberi, MBAND, Mot, NATAN, Nyuşa, Ciqan, Rauf & Faik, Zvonki, Aleksey Çumakov, Yuliya Kovalçuk, RASA, Mitya Fomin, İrina Nelson, Maşa Veber və digər estrada ulduzları çıxış ediblər.
Minlərlə şəhər sakini və qonaqların əyləndiyi tədbirin tamaşaçıları arasında Heydər Əliyev Fondunun vitse-prezidenti Leyla Əliyeva da olub.