ABŞ prezidenti Donald Tramp “Twitter”də tez-tez post yazmağının səbəbini açıqladı.
Bu barədə AzNews.az “RİA Novosti”yə istinadla yazır.
Trampın sözlərinə görə, “Twitter” ona jurnalistlərin hücumlarından qorunmağa kömək edir. O qeyd edib ki, mətbuat onu vicdanla işıqlandırsaydı, sosial şəbəkədə bu qədər fəal olmazdı.
“Bu mənim yeganə müdafiə formamdır. Əgər mətbuat məni vicdanla işıqlandırsaydı, bu, mənə lazım olmazdı”, - Tramp əlavə edib.
Lakin, onun fikrincə, kütləvi informasiya vasitələri onu ədalətsiz şəkildə işıqlandırır, buna görə də çox məyus olur.
“Onlar həqiqətən yanlış şəkildə işıqlandırırlar, buna görə də “feyk xəbərlər” ( saxta xəbərlər – red.) termini yaranıb”, - deyə Tramp bildirib.
Nigar Orucova
AzNews.az