Türkiyənin “Qalatasaray” klubunun baş məşqçisi Fatih Terim əməliyyat olunub.
Neçə vaxtdır belindəki ağrılardan əziyyət çəkən 66 yaşlı mütəxəssisə tibbi cərrahi müdaxilə zərurəti yaranıb.
Onun əməliyyatı “sarı-qırmızılar” İstanbula qayıtdıqdan sonra klubun sponsorlarından olan “Liv Hospital Beyin Cerrahisi” klinikasında gerçəkləşib. Professor Mustafa Kemal Hamamcıoğlunun rəhbərliyi altında baş tutan əməliyyat uğurlu keçib. F.Terimin bel yırtığı, həm də dar kanalı cərrahi əməliyyat edilib.
Qeyd edək ki, 1996-2000, 2002-2004, 2011-13-cü illərdə “Qalatasaray”ı çalışdıran F.Terim 2017-ci ildə yenidən İstanbul klubuna qayıdıb.
Aznews.az