Əkrəm Əylisli Vaşinqtonda müzakirə edildi

12 May 2013 10:19 (UTC+04:00)

"Amerikanın səsi"nin məlumatına görə, mühazirəçilər əsərin hazirki konflikt üzərində müxtəlif təsirləri haqda fikirlərini paylaşıblar.

Corctaun Universitetinin tarix departamentindən professorial mühazir Mikayıl Mamedov əsərin Azərbaycanda ciddi etirazlara səbəb olduğunu deyib. O həmçinin əsərin məzmunu haqda konfrans iştirakçılarına qısa məlumat verərək Ermənistan tərəfinin də bu kimi addımlar atmasının hər iki xalqda sülh hisslərinin güclənməsinə kömək edəcəyini düşündüyünü bildirib.

Azərbaycan tərəfdən öz fikirlərini bölüşən politoloq Ülvi İsmayıl Əkrəm Əylisninin Azərbaycanın nüfuzlu yazarlarından biri olduğunu, onun əsərlərinin Şərqi Avropa dillərinə çevrildiyini, romanlarına filimlər, teatrlar səhnəyə qoyulduğunu, milli mükafatlar aldığını söyləyib.

Arsen Xaratyan bu kimi əsərlərin qisa bir müddətdə cəmiyyətdə mənfi fəsadlar yaratsa da, uzun müddət üçün faydalı olacağına inandığını bildirib. O, "Daş Yuxular" əsərinin tarixi deyil, bədii əsər olduğunu vurğulayaraq beynəlxalq ədəbiyyatdan misallar gətirib. Arsen Xaratyan Əkrəm Əylisli kimi yazıçıların hər iki cəmiyyətdə mövcudluğunun tolerantlıq gətirəcəyini deyib.

Forum sual-cavab sessiyası ilə yekunlaşıb.

AzNews.az