ABŞ-ın Dövlət Katibliyi Tayvana 8 milyard dollar dəyərində 66 F-16 Blok 70 tipli təyyarənin satışını təsdiqləyib.
AzNews.az Türkiyə mediasına istinadən xəbər verir ki, bu barədə ABŞ-ın Müdafiə, Təhlükəsizlik agentliyindən açıqlama verilib.
Açıqlamada sözügedən satışın təsdiqinin Konqresə bildirildiyi deyilir.
ABŞ-la Tayvan arasında rəsmi diplomatik münasibətlər olmadığı üçün "Taipei" İqtisadiyyat və Mədəniyyət Nümayəndəliyi Vaşinqtonda Tayvanı təmsil edir.
Mövzu ilə bağlı dövlət katibi Mayk Pompeo da açıqlama verib.
"Prezident F-16 satışı ilə bağlı addım atmağımız üçün Konqresə göndərilməli olan sənədi təsdiqlədi. Addımlarımız ABŞ-ın keçmişdəki siyasəti ilə üst-üstə düşür. Biz sadəcə bütün tərəflərə verdiyimiz vədlərə əməl edirik", - deyə katib vurğulayıb.
Xatırladaq ki, ABŞ rəhbərliyinin bundan əvvəl də birbaşa Tayvanla həmsöhbət olması Çinlə aralarında diplomatik gərginliyə səbəb olub.
Pərvanə
AzNews.az