Nərimanov rayonunda yanan “taxta bazarı”nda iki nəfər xəsarət alıb.
AzNews.az FHN-ə istinadən xəbər verir ki, xəsarət alan şəxslər Fövqəladə Hallar Nazirliyinin əməkdaşlarıdır.
"Nərimanov rayonu, Baksol yolu yaxınlığında tikinti materialları bazarında yanğın baş verən əraziyə FHN-in Dövlət Yanğından Mühafizə Xidmətinin 22 texnikası, Xüsusi Riskli Xilasetmə Xidmətinin 60 nəfərdən ibarət canlı qüvvəsi cəlb olunub. İki nəfər yanğınsöndürən tüstüdən boğulma diaqnozu ilə xəstəxanaya yerləşdirilib", - deyə məlumatda bildirilir.
Əlavə məlumat veriləcək.
AzNews.az