Əfqanıstanın şimalında baş vermiş helikopter qəzasında 7 nəfər ölüb.
Bu barədə “Pajwok” agentliyi məlumat yayıb.
Bildirilir ki, hadisə zamanı ölkənin silahlı qüvvələrinə məxsus “Mi-17” helikopteri qəzaya uğrayıb.
Məlumata görə, aviaqəza Mazari-Şərif şəhərinin yaxınlığındakı Hayratan bölgəsində qeydə alınıb. Nəticədə helikopterdə olanların hamısı ölüb. Onlardan 4 nəfəri ekipaj üzvüdür. (apa)
AzNews.az