Xərçəngin və qocalmanın qarşısını alan maddə tapıldı - Alimlərdən böyük kəşf

24 Oktyabr 2019 09:02 (UTC+04:00)

“Pasteur İnstitutu”nun fransız alimləri “GDF11” zülalının qocalmağa qarşı mübarizə apardığını və bədəni xərçəngdən qoruduğunu təsbit ediblər.

RİA Novosti-yə istinadən xəbər verilir ki, onların araşdırmalarının nəticələri MedicalXpress portalında dərc olunub.

Alimlər siçanlar üzərində bir neçə təcrübə aparıblar. Mütəxəssislər, “GDF11”in ürək xəstəliyi və xərçəngin qarşısının almasında təsirli olduğunu, pəhriz təsiri göstərdiyini müəyyən ediblər. Bundan əlavə, protein inyeksiyaları qoca gəmiricilərin beynindəki qan damarlarının bərpasına və neyrogenezin artmasına səbəb olub.

“Bu məlumatlar “GDF11”-in piylənmə və neyrodejenerativ xəstəliklər kimi bəzi metabolik xəstəliklərin müalicəsində istifadəsi fikrini təşviq edir və dəstəkləyir”deyə, professor Pyer-Mari Ledo bildirib. (Report)

AzNews.az