Rusiyanın dövlət başçısı Vladimir Putin Prezident İlham Əliyevlə görüşəcək.
“RİA Novosti” xəbər verir ki, bu barədə Kreml rəhbəri Birinci vitse-prezident Mehriban Əliyeva ilə görüşündə deyib. Putinin sözlərinə görə, görüş dekabrın 20-də baş tutacaq:
“Azərbaycan Prezidentinə ən xoş arzularımı çatdırın. Ümid edirəm ki, onunla dekabrın 20-də Sankt-Peterburqda görüşəcəyik”.
Əliyeva da öz növbəsində İlham Əliyevin Putinə salamını söyləyərək “Azərbaycan Prezidentinin də sizə uyğun vaxtda ölkəmizə dəvətini çatdırıram” deyib.
Qeyd edək ki, dekabrın 20-də Sankt-Peterburqda Avrasiya İqtisadi Birliyinə daxil olmayan MDB ölkələrinin dövlət başçılarının iqtisadi birliyin qeyri-rəsmi sammitində görüşü keçiriləcək.(qafqazinfo.az)
AzNews.az