“Nida”çı fəalın şikayəti rədd edildi

23 May 2013 14:25 (UTC+04:00)

Bu gün Bakı Apellyasiya Məhkəməsində N!DA Vətəndaş Hərəkatı İdarə Heyətinin üzvü Üzeyir Məmmədlinin apelyasiya şikayətinə baxılıb. Bu barədə AzNews.az-a Hərəkatın mətbuat xidmətindən məlumat daxil olub.

Məlumatda bildirilir ki, şikayət Ü.Məmmədlinin ev dustaqlığına buraxılmasından imtina edilməsi haqda Nəsimi Rayon Məhkəməsinin qərarından verilib.

Məhkəmə Ü.Məmmədlinin şikayətini rədd edib.

Qeyd edək ki, Ü.Məmmədli martın 30-da həbs edilib. O, Cinayət Məcəlləsinin 228.3-cü maddəsi ilə (qanunsuz olaraq silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, satma, saxlama, daşıma və gəzdirmə) ittiham olunur.

Anar
AzNews.az