Fermerlərə subsidiyalar bu Agentlik vasitəsilə veriləcək

26 Dekabr 2019 13:06 (UTC+04:00)

Gələn ildən başlayaraq fermerlərə subsidiyalar Elektron Kənd Təsərrüfatı İnformasiya Sistemi-EKTİS üzərindən Dövlət Aqrar Kredit və İnkişaf Agentliyi (AKİA) vasitəsilə veriləcək.

Bunu jurnalistlərə Kənd Təsərrüfatı Nazirliyi yanında Dövlət Aqrar Kredit və İnkişaf Agentliyinin sədri Mirzə Əliyev deyib.

M.Əliyəvin sözlərinə görə, subsidiyaların növbəti il verilməsi yeni nəsil fermer kartları vasitəsilə həyata keçirəcək.

“2020-ci ildə 350-400 min fermerə pulsuz bank kartları veriləcək. Subsidiya verilmiş 25 faizin məbləğin nağdlaşdırılması, qalan 75 faizinin isə nağdsız qaydada istifadəsi üçün bütün texniki imkanlar yaradılıb və formalaşdırılıb. Dünəndən etibarən fermer kartlarının Kapital Bank filialları vasitəsilə Xaçmaz rayonunda paylanılmasına başlanılıb”, -deyə o bildirib. (report)

AzNews.az