Görüş zamanı deputatlığa namizəd son vaxtlar ölkədə gedən proseslər, kadr islahatları, ölkənin daxili və xarici siyasətindəki vəziyyət, regionların sosial-iqtisadi inkişafına dair 2019-2023-cü il Dövlət proqramı, eləcə də, özü və fəaliyyəti haqqında ətraflı məlumat verib.
Çıxış edən kənd sakinləri, ağsaqqallar, Qarabağ qaziləri, gənclər, Çingiz Qənizadənin 10 illik deputat fəaliyyətindən razı qaldıqlarını bildiriblər. Onlar üçün hər zaman açıq və əlçatan deputat olduğunu xüsusi qeyd ediblər. Həmçinin telefon zənglərinə, ərizə və şikayətlərinə operativ reaksiya verən, kənddə gedən abadlıq və quruculuq işlərində yaxından iştirak etdiyini, qaldırılan məsələləri vaxtlı-vaxtında müvafiq qurumlara çatdırdığını deyiblər. Kənd sakinləri Çingiz Qənizadəni sadə deputat kimi tanıdıqlarını da gizlətməyiblər. Növbəti parlament seçkilərində də Çingiz Qənizadəyə səs verəcəklərini söyləyiblər.
Daha sonra Çingiz Qənizadə fərdi qaydada müraciət edən seçiciləri ayrı-ayrılıqda qəbul edərək onları dinləyib və problemlərini qeyd edib. Kənddə olan kiçik problemlər namizədin diqqətinə çatdırılıb. Çingiz Qənizadə də bu və ya digər məsələlərlə yaxından məşğul olacağı barədə seşicilərinə söz verib.
AzNews.az